ພິທີເປີດ ອຸທິຍານແຫ່ງຊາດ ນາກາຍ-ນ້ຳເທີນ

ພິທີເປີດ ອຸທິຍານແຫ່ງຊາດ ນາກາຍນ້ຳເທີນ

ໂດຍ​ເຫັນ​ໄດ້​ຄວາມໝາຍຄວາມ​ສຳຄັນ ​ຂອງ​ປ່າ​ໄມ້ ​ແລະ ຊັບພະຍາກອນ​ປ່າ​ໄມ້ຕໍ່ກັບ​ການ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ, ການ​ປົກ​ປັກຮັກສາ​ສິ່ງ​ແວດ​ລ້ອມກໍ່ຄື​ການ​ປັບປຸງ​ຊີວິດ​ການ​ເປັນ​ຢູ່ ​ແລະ ​ແກ້​ໄຂຄວາມທຸກ​ຍາກຂອງ​ປະຊາຊົນ​ບັນດາ​ເຜົ່າ,ລັດຖະບານ​ຈຶ່ງ​ໄດ້​ປະກາດ​ສ້າງຕັ້ງ ປ່າ​ສະຫງວນ​ແຫ່ງ​ຊາດ​ຂຶ້ນ​ໃນ​ຂອບ​ເຂດ​ທົ່ວ​ປະ​ເທດຕາມ​ດຳລັດ​ຂອງ​ນາຍົກລັດຖະມົນຕີ ສະບັບ​ເລກທີ 164/ນຍ, ລົງ​ວັນ​ທີ 29 ຕຸລາ 1993, ຈຳນວນ 18 ​ແຫ່ງ ໜຶ່ງ​ໃນ​ນັ້ນ​ແມ່ນ​ປ່າ​ສະຫງວນ​ແຫ່ງ​ຊາດ ນາ​ກາຍ-ນ້ຳ​ເທີນ ​ເຊິ່ງມີ​ເນື້ອທີ່​ທັງໝົດ 353.200 ​ເຮັກຕາ. ຈຸດປະສົງ​ແມ່ນ​ເພື່ອ​ຄຸ້ມ​ຄອງ, ປົກ​ປັກຮັກສາ, ພັດທະນາ ​ແລະ ນຳ​ໃຊ້​ຊັບພະຍາກອນ​ປ່າ​ໄມ້ ​ແລະ ທີ່​ດິນ​ປ່າ​ໄມ້ ​ໂດຍ​ສະ​ເພາະ​ແມ່ນ​ປ່າ​ໄມ້, ສັດ​ນ້ຳ-ສັດປ່າ ​ແລະ ຊີວະ​ນາໆພັນ ທີ່​ເປັນ​ຊັບພະຍາກອນ​ທີ່​ສຳຄັນ​ຂອງ​ຊາດ ​ໃຫ້​ມີ​ຄວາມ​ສົມບູນ ​ແລະ ຍືນ​ຍົງ​ຕະຫຼອດ​ໄປ.

ເພື່ອຈັດຕັ້ງປະຕິບັດ​ໂຄງການ​ໄຟຟ້າ​ນ້ຳຕົກ ນ້ຳ​ເທີນ 2 ລັດຖະບານ​ໄດ້​ສ້າງຕັ້ງ​ເຂດ​ແຫຼ່ງນ້ຳ-ນ້ຳ​ເທີນ 2 ຂຶ້ນ ຕາມ​ດຳລັດ​ຂອງ​ນາຍົກລັດຖະມົນຕີ ສະບັບ​ເລກທີ 193/ນຍ, ລົງ​ວັນ​ທີ 29 ທັນວາ 2000, ພ້ອມ​ທັງ​ໄດ້​ສ້າງຕັ້ງອົງການ​ຄຸ້ມ​ຄອງ ​ແລະ ປົກ​ປັກຮັກສາ​ເຂດ​ແຫຼ່ງນ້ຳ ນ້ຳ​ເທີນ 2 (ອຄປ.ທ 2) ຂຶ້ນ ຕາມ​ດຳລັດ​ສະບັບ​ເລກທີ 25/ນຍ, ລົງ​ວັນ​ທີ 26 ກຸມພາ 2001. ​ເພື່ອ​ຄຸ້ມ​ຄອງ, ປົກ​ປັກຮັກສາ ​ແລະ ພັດທະນາ​ເຂດ​ແຫຼ່ງນ້ຳ ນ້ຳ​ເທີນ 2 ທີ່​ປະກອບ​ດ້ວຍ​ປ່າ​ສະຫງວນ​ແຫ່ງ​ຊາດ ນາ​ກາຍ-ນ້ຳ​ເທີນ, ​ເຂດ​ເຊື່ອມ​ຕໍ່ກັບ​ປ່າ​ສະຫງວນ​ແຫ່ງ​ຊາດ​ພູ​ຫີນ​ປູນ (​ເຂດ​ເຊື່ອມ​ຕໍ່ດ້ານ​ເໜືອ) ​ແລະ ​ເຂດ​ເຊື່ອມ​ຕໍ່ກັບ​ປ່າ​ສະຫງວນ​ແຫ່ງ​ຊາດ ຫີນໜາມໜໍ່ (​ເຂດ​ເຊື່ອມ​ຕໍ່ດ້ານ​ໃຕ້).

ມາຮອດປີ 2019 ນາຍົກລັດຖະມົນຕີ​ໄດ້​ອອກດຳລັດ ສະບັບ​ເລກທີ 36/ນຍ, ລົງ​ວັນ​ທີ 15 ກຸມພາ 2019. ວ່າ​ດ້ວຍ​ການ​ສ້າງຕັ້ງປ່າ​ສະຫງວນ​ແຫ່ງ​ຊາດ ນາຍ-ນ້ຳ​ເທີນ ​ເປັນ​ອຸທິຍານ​ແຫ່ງ​ຊາດ ນາ​ກາຍ-ນ້ຳ​ເທີນ ​ໂດຍ​ແມ່ນ​ອົງການ​ຄຸ້ມ​ຄອງ ​ແລະ ປົກ​ປັກຮັກສາ​ເຂດ​ແຫຼ່ງນ້ຳ ນ້ຳ​ເທີນ 2 ​ເປັນ​ຜູ້​ຄຸ້ມ​ຄອງ​ອຸທິຍານ​ແຫ່ງ​ຊາດ ນາ​ກາຍ-ນ້ຳ​ເທີນ ​ແລະ ​ປ່ຽນຊື່ຈາກ: ສະພາ​ບໍລິຫານ​ອົງການ​ຄຸ້ມ​ຄອງ ​ແລະ ປົກ​ປັກຮັກສາ​ເຂດ​ແຫຼ່ງນໍ້າ ນໍ້າ​ເທີນ 2 ມາ​ເປັນ ຄະນະກຳມະການ​ບໍລິຫານ ອຸທິຍານ​ແຫ່ງ​ຊາດ ນາ​ກາຍ-ນ້ຳ​ເທີນ, ກອງ​ເລຂາ​ອົງການຄຸ້ມ​ຄອງ ​ແລະ ປົກ​ປັກຮັກສາ​ເຂດ​ແຫຼ່ງນໍ້າ ນໍ້າ​ເທີນ 2 ມາ​ເປັນ ກອງ​ຄຸ້ມ​ຄອງ​ອຸທິຍານ​ແຫ່ງ​ຊາດ ນາ​ກາຍ-ນ້ຳ​ເທີນ. Decree 36.15.02.2019

 

​ໃນ​ວັນ​ທີ 29 ມີນາ 2019 ນີ້ ກອງ​ຄຸ້ມ​ຄອງ​ອຸທິຍານ​ແຫ່ງ​ຊາດ ນາ​ກາຍ-ນ້ຳ​ເທີນ ​​ໄດ້​ຈັດ​ພິທີ​ເປີດ​ ອຸທິຍານ​ແຫ່ງ​ຊາດ ນາ​ກາຍ-ນ້ຳ​ເທີນ ຢ່າງ​ເປັນ​ທາງ​ການຂຶ້ນ ທີ່​​ເມືອງ ນາ​ກາຍ, ​ແຂວງ ຄຳ​ມ່ວນ ​ໃຫ້ກຽ​ດເຂົ້າຮ່ວມ ​ແລະ ຕັດ​ແຖບ​ຜ້າ ​ເປີດ​ປ້າຍອຸທິຍານ​ແຫ່ງ​ຊາດ ນາ​ກາຍ-ນ້ຳ​ເທີນ ​ໂດຍ​ທ່ານ ປອ ຄຳ​ມະ​ນີ ອິນ​ທິລາດ ລັດຖະມົນຕີ​ກະຊວງ​ພະລັງງານ ​ແລະ ບໍ່​ແຮ່, ທ່ານ ຄຳ​ບຸນ​ນັດ ​ໄຊ​ຍະ​ນົນ ຮອງລັດຖະມົນຕີ​ກະຊວງ​ກະສິກຳ ​ແລະ ປ່າ​ໄມ້, ທ່ານ ຄຳ​ສີ ອຸດ​ທິວົງ ຮອງ​ເຈົ້າ​ແຂວງໆຄຳ​ມ່ວນ ​ເຊິ່ງ​ມີ ທ່ານຮອງລັດຖະມົນຕີ​ກະຊວງ​ການ​ເງິນ, ທ່ານ​ເຈົ້າ​ເມືອງໆນາ​ກາຍ, ທ່ານ​ຫົວໜ້າກົມ​ປ່າ​ໄມ້, ອຳນວຍ​ການ​ໃຫຍ່​ບໍລິສັດ​ໄຟຟ້າ​ນ້ຳ​ເທີນ 2 ​ແລະ ​ແຂກ​ທີ່​ຖືກ​ເຊີນ ​ກໍ່​ໄດ້ເຂົ້າຮ່ວມ​ພິທີ​ໃນ​ຄັ້ງນີ້ດ້ວຍ.

ໂດຍ: ​ເຂັມ​ມະ​ໄລ ສົນ​ດາ​ວັນ.

Posted in Management

ກອງປະຊຸມສະໄໝສາມັນ ຄັ້ງທີ XVI ຂອງສະພາບໍລິຫານອົງການຄຸ້ມຄອງ ແລະ ປົກປັກຮັກສາເຂດແຫຼ່ງນໍ້າ ນ້ຳເທີນ 2

ກອງປະຊຸມສະໄໝສາມັນ ຄັ້ງທີ XVI ຂອງສະພາບໍລິຫານອົງການຄຸ້ມຄອງ ແລະ ປົກປັກຮັກສາເຂດແຫຼ່ງນໍ້າ ນ້ຳເທີນ 2

         ໃນ​ວັນ​ທີ 7 ມັງກອນ 2019 ນີ້ ທີ່​ຫ້ອງການ​ປົກຄອງ​ເມືອງຄຳ​ເກີດ ​ແຂວງ ບໍລິ​ຄຳ​ໄຊ, ສະພາ​ບໍລິຫານ​ອົງ​ການ​ຄຸ້ມ​ຄອງ ​ແລະ ປົກ​ປັກຮັກສາ​ເຂດ​ແຫຼ່ງນໍ້າ ນ້ຳ​ເທີນ 2 ​(ອຄປ.ທ2) ໄດ້​ຈັດ​ກອງ​ປະຊຸມ​ສະ​ໄໝສາມັນ ຄັ້ງທີ XVI ຂຶ້ນ. ​ໂດຍ​ການ​ເປັນ​ປະທານ​ຂອງ​ທ່ານ ປອ ລຽນ ທີ​ແກ້ວ ລັດຖະມົນຕີ​ກະຊວງ​ກະສິກຳ ​ແລະ ປ່າ​ໄມ້ ທັງ​ເປັນ​ປະທານ​ສະ ພາ​ບໍລິຫານ ອຄປ.ທ2, ​ເຊິ່ງມີ​ທ່ານ ທອງ​ພັດ ວົງ​ມະນີ ຮອງລັດຖະມົນຕີ​ກະຊວງ​ກະສິກຳ ​ແລະ ປ່າ​ໄມ້, ຮອງປະ ທານ​ສະພາ​ບໍລິຫານ ອຄປ.ທ2; ທ່ານ ບຸນ​ເສັງ ປະ​ທຳ​ມະ​ວົງ ຮອງ​ເຈົ້າ​ແຂວງໆບໍລິ​ຄຳ​ໄຊ, ຮອງປະທານ​ສະພາ​ບໍລິຫານ ອ ຄປ.ທ2, ທ່ານ​ເຈົ້າ​ເມືອງໆຄຳ​ເກີດ ​ແລະ ພາກສ່ວນ​ທີ່​ກ່ຽວຂ້ອງ​ເຂົ້າຮ່ວມທັງໝົດ 29 ທ່ານ.

ໃນ​ທີ່​ປະຊຸມ​​ໄດ້ຮັບຟັງ, ພິຈາລະນາ ​ແລະ ຮັບຮອງ​ເອົາຮ່າງບົດ​ສະຫຼຸບ​ລາຍ​ງານ ​ຜົນ​ການຈັດ ຕັ້ງປະຕິບັດ​ແຜນການ-ງົບປະມານ ປະຈຳ​ປີ 2018; ຮ່າງ​ແຜນການ ປະຈຳ​ປີ 2019-2020; ບົດ​ລາຍ​ງານ​ຂອງ​ຄະນະ​ກວດກາ​ເອກະລາດ​ຄື: ຄະນະ​ຊ່ຽວຊານ​ທີ່​ປຶກສາ (POE), ຄະນະ​ກວດກາ​ເອກະ ລາດ​ຂອງ​ອົງການ IMA, ການກວດ​ສອບ​ບັນຊີ​ປະຈຳ​ປີ 2016 ​ແລະ 2017, ການ​ຄັດ​ເລືອກ​ພະນັກ​ງານ, ສະ​ເໜີຜົນງານ​ຂອງ​ກຸ່ມ​ຊ່ຽວຊານ. ຫຼງຈາກ​ນັ້ນ, ກໍ່​ໄດ້​ປຶກສາ​ຫາລື ​ແລະ ປະກອບ​ຄຳ​ຄິດ​ຄຳ​ເຫັນ​ຢ່າງ​ກົງ​ໄປ​ກົງ​ມາ.

         ​ໃນ​ຕອນ​ທ້າຍ​ຂອງ​ກອງ​ປະຊຸມ ທ່ານ​ປະທານ​ໄດ້​ເນັ້ນໜັກບາງ​ບັນຫາ​ເຊັ່ນ: ​​ໃນ​ປີ 2019-2020 ນີ້ຕາມ​ແຜນ​ຈະ​ຕ້ອງ​ໄດ້​ແກ້​ໄຂຊີວິດ​ການ​ເປັນ​ຢູ່​ຂອງ​ປະຊາຊົນ​​ໃນ 50 ບ້ານ ​ໂດຍ​​ໃຫ້ທ້ອງ​ຖິ່ນ ​ແລະ ປະຊາຊົນ​ເປັນ​ເຈົ້າ ສິ່ງ​ສຳຄັນ​ຈັດຕັ້ງປະຕິບັດ​ແຜນການ​ໃຫ້​ສຳ​ເລັດ ຕ້ອງ​ກຳນົດ​ມາດ​ຕະການ​ໃຫ້​ລະອຽດ ​ໂດຍ​ສະ​ເພາະ​ແມ່ນ​ການ​ປັບປຸງ​ຊີວິດ​ການ​ເປັນ​ຢູ່ ​ແລະ ການ​ປູກ​ຈິດ​ສຳນຶກ​ໃຫ້​ອະນຸຊົນ​ລຸ້ນຫຼັງຮູ້ຈັກ​ປົກ​ປັກຮັກສາຊັບພະຍາກອນທຳ​ມະ​ຊາດ, ​ຖອດ​ຖອນ​ບົດຮຽນນຳພາ​ກສ່ວນ​ອື່ນ, ສົ່ງ​ທີ​ມງານ​ລົງ​ສົມທົບ​ກັບ​ເມືອງ​, ​ເລັ່ງສ້າງ​ປ່າ​ສະຫງວນ​ແຫ່ງ​ຊາດ​ນາ​ກາຍ-ນໍ້າ​ເທີນ ​ເປັນ​ອຸທິຍານ ​ແຫ່ງ​ຊາດ ​ໂດຍ​ມອບ​ໃຫ້​ກົມ​ປ່າ​ໄມ້ຄົ້ນຄ້ວາ ​ແລະ ສ້າງ​ດຳລັດ ​ໃນ​ການ​ຄຸ້ມ​ຄອງ​ບໍລິຫານຢ່າງ​ເປັນ​ລະບົບ.

ພາບ ແລະ ຂ່າວໂດຍ: ພະແນກໂຄສະນາ ແລະ ຂ່າວສານ

Posted in Management

ຕ້ອນຮັບແຂກຈາກ ສຳນັກງານນາຍົກລັດຖະມົນຕີ ທີ່ມາທັດສະນະສຶກສາ ຄັ້ງວັນທີ 12/06/2018

ກອງເລຂາ ອົງການຄຸ້ມຄອງ ແລະ ປົກປັກຮັກສາແຫຼ່ງນ້ຳ ນ້ຳເທີນ 2 ຍິນດີຕ້ອນຮັບແຂກທີ່ເດີນທາງມາຈາກ ສຳນັກງານນາຍົກລັດຖະມົນຕີ ທີ່ມາທັດສະນະສຶກສາ ຄັ້ງວັນທີ 12/06/2018 ຢູ່ທີ່ ກອງເລຂາ ອຄປ.ທ2 ບ້ານອຸດົມສຸກ, ເມືອງນາກາຍ, ແຂວງ ຄຳມ່ວນ ແລະ ການນຳສະເຫນີໂດຍ ປອ.ຈັນທະວີ ຫົວຫນ້າທີມຊ່ຽວຊານ ແລະ ທ່ານຮອງກອງເລຂາ,​ (​ທ່ານ ບຸນສວນ ພົງພິຈິດ )

Posted in Management

Job vacancies

NT2 WMPA currently has multiple vacancies for Head of Administration Division, Head of Planning Monitoring and Evaluation Division and Head of Participatory Integrated Conservation and Development Division (PICAD). Are you interested?

  • Are you a Lao Citizen

Do you have:

  • A university degree in the appropriate discipline
  • Significant industry experience including living and working in rural communities
  • Ability to use initiative and analytical skills
  • A High level of English language skills, both written and oral
  • A passion for development in Laos

If you have these skills or interests you could apply. Please download detailed Position Descriptions and Application Instructions here.

Detailed Position Descriptions and Application Instructions   (Eng) (Lao)

You will need to provide applications with reference to the selection criteria for the position you are applying for along with a CV via email to phouthonesophathilath@gmail.com. Incomplete applications will not be considered and only short listed applicants will be contacted for interviews.

Applications close October 15th 2012

Posted in Management, Rural Development | Tagged |

ການມອບປຶ້ມອ່ານ ຈຳນວນ 1,589 ຫົວ ເພື່ອຊຸກຍູ້ສົ່ງເສີມໃຫ້ນັກຮຽນໃນປ່າສະຫງວນ ແຫ່ງຊາດນາກາຍນ້ຳເທີນ

ນ້ອງນ້ອຍນັກຮຽນ ບ້ານທົ່ງນ້ອຍ,ໃນປ່າສະຫງວນແຫ່ງຊາດນາກາຍນ້ຳເທີນ ກຳລັງເລືອກປຶ້ມ ອ່ານຫົວທຳອິດຂອງພວກເຂົາ

ການມອບປຶ້ມອ່ານ ຈຳນວນ 1,589 ຫົວ ເພື່ອຊຸກຍູ້ສົ່ງເສີມໃຫ້ນັກຮຽນໃນປ່າສະຫງວນ ແຫ່ງຊາດນາກາຍນ້ຳເທີນ

ໃນວັນທີ 29 ກຸມພາ 2012 ທີ່ປ່າສະຫງວນແຫ່ງຊາດນາກາຍນ້ຳເທີນ, ແຂວງຄຳມ່ວນ. ນາງ ຄາຣລີ ໄທເລີ ອາສາສະມັກຈາກປະເທດໂອສຕາລີ ປະຈຳອົງການຄຸ້ມຄອງ ແລະ ປົກປັກ ຮັກສາແຫຼ່ງນ້ຳ ນ້ຳເທີນ2, ໄດ້ໃຫ້ການຊ່ວຍເຫຼືອລ້າ ປຶ້ມອ່ານໃຫ້ແກ່ໂຮງຮຽນຢູ້ສາມເຂດຍອດນ້ຳ ຈຳນວນ 1,598 ຫົວ . ປຶ້ມອ່ານດັ່ງກ່າວໄດ້ແບ່ງອອກເປັນ 12 ຊຸດ ໜູນວຽນ ເຊິ່ງເປັນແນວ ຄວາມຄິດລິເລີ້ມ ທີ່ສຸມໃສ່ສ້າງເປັນຫໍສະມຸດເຄື່ອນທີ່ ຂອງອົງການ.

Full Report (Eng) (Lao)

Posted in Community Outreach Conservation Awareness, Rural Development

ເວັບໄຊຕ໌ ອຄປ.ທ2

ຍິນດີຕ້ອນຮັບ ເຂົ້າສູ່ເວັບໄຊຕ໌ ອຄປ.ທ2

ເວັບໄຊຕ໌ຂອງພວກເຮົາຢູ່ໃນຊ້ວງເລີ້ມຕົ້ນໃໝ່ ແລະ ໃນອະນາຄົດໝໍ່ໆນີ້ ພວກເຮົາ ຫວັງວ່າຈະມີຂໍ້ມູນຂ່າວສານຫຼາຍຢ່າງ ທີ່ໜ້າສົນໃຈ.

ຂໍຂອບໃຈ

Posted in Management